الأربعاء، 17 يونيو 2009

افتتاحية

قررت أنا حازم ربيع وصديقه هانى عمر أن نكون أصحاب
وأن نربط هذه الصداقة بنجاحات فى عالم البزنس ( أى مصلحة والسلام )
م الآخر إحنا أصحاب وبزنس
مقتنعين تماما بمقولة حسن الهلالى فى فيلم ( أمير الانتقام ) :
" بارك الله فى التجارة القائمة على الصداقة ، أكثر من الصداقة القائمة على التجارة "
ونحب نعرفكم بينا وكمان نتعرف عليكم ، إحنا بعبارة بسيطة " أصدقاء فى مهنة الوجع "
وهى مهنة التدريس .
------------------------------------------------
- حازم
* شاب عنده 27 سنة
* مدرس للغتين ( إنجليزية وإيطالية ) فى أحد معاهد اللغات المرموقة
* له هوايات كتير ومشاريع أكتر .
* مذيع على النت
* مخرج مسرحى .
* وشاعر بيعد لديوانه الأول .
* ومدرب تنمية بشرية ومهارات اتصال ومدرب مبيعات وتسويق .
---------------------------------------------
- هانى
* شااب عنده 33 سنة .
* مدرس لغة عربية فى نفس المعهد بتاع حازم .
* عنده هوايات كتير وطموحات أكتر .
* كاتب سيناريو وقصاص .
* شاعر بحاجات كتير إيه هيه مش عارف .
* تاجر خسر كتير فى تجارته ؛ لكن مصر على تحقيق حلمه .
--------------------------------------------
** اجتمعنا على الحلم وبقينا أصحاب وبزنس ، ومش حنخلى الحلم ده لينا لوحدنا
كل قراء المدونة هم أصحاب لينا ومشاركين لينا فى شراكة البزنس .
ومستنيين منهم مشاركتهم بكل افكارهم عن الصحوبية وعن البزنس
*** ونـــتـمنــى إن المــدونـــة تـــقـــدم لـــكــم حـاجــات مـفيـــــدة
مع تحياتنا / حــــازم وهــــانى

هناك 14 تعليقًا:

كيــــــــــــارا يقول...

اولا الف الف مبروك علي المدونه الجميله دي

وسعيده اني اول تعليق فيها

لاسع افندى يقول...

الف مبروك المدونه واكيد صداقتكم هتفيد المدونه والمدونه هتفيد صداقتكم

تقبلوا تحياتى ومرورى وصداقتى

emadiab يقول...

الف مبروك على المدونة
و اتمنى اشوف ابداعاتكم هنا و اكون من متابعينكم
و احب اعرفكم على نفسي
عماد دياب من اسكندرية
مدرس برده بس خارج نطاق المهنة نظرا لظروف البلد الملخبطة و اموت و ابقى مدرس
بكتب شعر و قصة و اتمنى يكونلى اصحاب عندهم نفس الهوايات و الاهتمامات
مدونتى انسان اوفلاين حتلاقوها على العنوان ده
www.emadiab.blogspot.com
تقبلوا تحياتى

عاشقة الأحزان يقول...

السلام عليكم

بسم الله ماشاء الله
اول زيارة ومش هتكون الاخيرة

سعدت قووى بمروركم الكريم لمدونتى المتواضعه

وربنا يوفقكم يارب ويسعدكم ويقدملكم الخير
وتحققوا احلامك اللهم امين يارب العالمين

وان شاء الله معاكم على طول متابعه ليكم
تحياتى

ايناس

ايوشة يقول...

السلام عليكم ورحمة الله وبركاته
اهلا بيكم فى عالم التدوين ومبروك على المدونة وان شاء الله بنا يحققلكم كل احلامكم ويديم الصداقة اللى بينكم للابد ان شاء الله

وردة يقول...

مبروك علي المدونة الجديدة
ان شاء الله نتعرف من خلالها اكثر علي ابداع وموضوعات قوية
ربنا يكرمكم دايما
وتفضلوا اصحاب واخوات لينا طول العمر
في انتظار اعمالكم القادمة ان شاء الله
ومرسي علي مرورك عندي بالمدونة
تحياتي ليكم
سلام

ديالا يقول...

مبروك علي المدونه الجديده

بس احنا مش عايزين كسل عايزين بسرعه بسرعه تعملوا مواضيع جديده

وانتوا اتنين يعني عايزين الضعف

ملحوظه صغننه:شيلوا خاصيه الحروف السريه عند التعليق عشان الناس تعلق عندكوا بسهوله

تقبلوا مروري

احنا يقول...

الى كيارا
*-*-*-*-*
احنا اسعد بمرورك على مدونتنا
ويارب دايما منورانا بتعليقاتك وبأرائك وبنقدك
عايزيين نتسلخ نقد عشان نقدم أحسن ما عندنا
ياريت تقبلىإضافتنا عندك واحنا أكيد حنضيفك

احنا يقول...

إلى أبو اللاسعين :
شكرا يا معلم على مرورك
وشكرا على رأيك ،وياريت توضح رأيك ده فى التصويت
* إحنا حنضيفك وياريت تضيفنا عندك .
وده عشان تدعم التواصل التدوينى .
----------------------------------------------
مع تحياتنا / حازم هانى

احنا يقول...

إلى عماد دياب :
مبسوطين قوى إن أنت عديت علينا .
وموضوع إنك خارج نطاق المهنة ، دى حاجة بسيطة
إبعت لنا سيرتك الذاتية على ميل
hazemhany61@yahoo.com
بس إبعت من الميل مباشرة مش من المدونة عشان يتبعت
وبعون الله حنحققلك حلمك .
أما عن مواهبك فالمدونة ده دى مش بتاعتنا بس
أى حاجة عايز تتعلمها فى الشعر أو اللغة العربية
إحنا تخت أمرك ، وأى حاجة عاوز تنشرها مدونتنا فاتحة دراعتها ليك .
** بس ما تنشاش تضيفنا عندك .
** وكمان ما تنساناش فى كليكايه على الاعلانات .
--------------------------------------------
مع تحياتنا / حازم وهانى

احنا يقول...

إلى نوسة عاشقة الاحزان :
ليه عاشقة للاحزان بس ، " تفائلوا بالخير تجدوه "
خليكى عاشقة للاحلام والنجاحات .
فرحنا قوى بمرورك لمدونتنا ونتمنى تكون الفكرة عجباكى ، وميرسى قوى على دعاءك لينا وما تنسيناش فى الدعاء دائما
** ضيفى مدونتنا واحنا أكيد حنضيفك .
--------------------------------------------
مع تحياتنا / حازم و هانى

احنا يقول...

إلى أيوشة :
يا رب دائما تكونى من المتابعين للمدونة وياريت تضيفينا عندك ، وإحنا أكيد حنضيفك .
ونتمنى تجربتنا الجديدة فى عالم التدوين إللى بتربط الصداقة بالربح تكون فكرة كويسةتنفعنا وتنفع الناس .
----------------------------------------------- مع تحياتنا / حازم و هانى

احنا يقول...

إلى وردة :
مرورك عندنا فى المدونة ملاها رحيق يا وردة وخلا ريحتها حلوة ، يارب كل دعاكى يتحقق .
* ما تنسيش تضيفينا وإحنا كمان حنضيفك .
-----------------------------------------
مع تحياتنا / حازم و هانى

احنا يقول...

إلى ديالا :
شرفتينا بمرورك
والحقيقة أحنا مش عارفين إيه هيه خاصية الحروف السرية وإزاى نشيلها .
وغن شاء الله حنكتب بسرعة ونقدم حاجات تسعدك وتفيدك .
** ياريت تضيفينا عندك واخنا كما حنضيفك .
---------------------------------------------
مع تحياتنا / حازم وهانى