السبت، 20 يونيو 2009

مدونة هادفة للربح

فى الاول بنرمى السلام على قارئ المدونة الكرام
* تحقيقا لمبدأ البزنس جعلنا مدونتنا مدونة هادفة للربح .
* وذلك عن طريق الاستفادة من الاعلانات خاصة إعلانات جوجل
.
* وكمان حنستثمر التدريس وحندى دروس خصوصية فى المدونة ( أى حد له حد عزيز عليه فى الثانوية العامة
خليه يعدى علينا أو أى حد عايز يتعلم إنجليزى أوإيطالى ) يكلمنى على موبايل رقم ( 00000000000) وحرد عليه بنفسى وحنتكلم فى كل حاجة هيــــــــــه إنسى ...طريق النجاح صعب جدا ..بس سهل جدا ...مش عارف إزاى
** لو عايز تبقى ( جان وواد حلو وفتان) إعمل عندنا إعلان .
** لو كنتى عانس وعايزة عريس.... عندنا من أول الظابط لحد سواق أتوبيس .
** لو عاوز أى وظيفة وحياتك صعبة مخيفة حنجبلك شغلة ظريفة .
** لو كنت واد حبيب .... وغاوى شرا دباديب .....بنبيع هدايا تصيب ( بتنين ونص )
**** إيدى فى إيدك ...الخير حيجينى ويجيلك ****
--------------------------------------------------------------
مع تحياتنا / حازم وهانى

هناك 23 تعليقًا:

حبارير يقول...

ربنا يعينكم ويوفقكم


ماشي

فكرة برضه

Rosa يقول...

ههههههه
ظريفه فكرة الاعلانات دي :D
ربنا يوفقكوا يا رب ان شاء الله

عاشقة الأحزان يقول...

السلام عليكم

اخباركم ايه يارب تكونو بالف خير

فكره جميله قووى ربنا يحقق امانيكم يارب

تحياتى

انوسه

MaNoOoSh يقول...

ايه ده
هو احنا هنا فى التلافزيون وللا ايه
ههههههههههههههههه

لا فكرة جميلة فكرة الاعلانات دي
ربنا معاكم بقى

انت تسال والكمبيوتر يجيب يقول...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.


المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

ديالا يقول...

حلوه فكره المدونه

عندي ليك ملحوظه

ياريت تشيل من البوست كلمه عانس وعايزه عريس

لانها ممكن تجرح اي بنت

ياريت تقول بنت وعايزه عريس او العكس بس متديش لقب لبنت لمجرد انها متاخره في الجواز فتبقي عانس

وشكرا

عطش الصبار يقول...

الف مبروك المدونه الجديده
ويا سلام على الوحده الوطنيه اهلى وزمالك مع بعض
على فكره انا قارئه قديمه لمدونتك ايام ما كانت روح الفدا
وانا مع ديالا فعلا مش لازم كلمه عانس دى لانها كلمه مؤلمه
تقبل تحياتى

رابطة هويتي اسلامية يقول...

تتشرف رابطه هويتى اسلاميه بزيارتكم لها وامدادنا بالاراء

نسعد بذلك..

لو عرفوه هيحبوه يقول...

الا تنصروه فقد نصره الله

حمله لو عرفوه هيحبوه للتعريف بالنبى صلى الله عليه وسلم تدعوكم للانضمام لها

وجزاكم الله خيرا

وردة يقول...

ههههههه
ضحكتوني بجد
ايه الاعلانات الجميلة ديه
دروس خصوصية وشغل وكورسات وخاطبة كمان
حسيت اني وقعت جوه الوسيط
ربنا يحققلكم كل اللي بتتمنوه ان شاء الله
وطالما عندكم خاطبة حجبلكم زباين بس اتوصو بيهم
دول من طرفي بقي
ههههههههههههه
يالاسلام

احنا يقول...

مرسيى يا حباير
-*-*-*-*-*-*-*-
انا باحب اى حد بيقدم كلامه بالدعاء
ربنا يكرمك ويوفقك
ويارب اسلوبنا ورسالتنا تعجبك

احنا يقول...

الى روزا
-*-*-*-*-
اسعدنى مرورك كثيرا
واتمنى دوام المرور
--------------------
ومبروك الجواز والبيبى
--------------------
مع تحياتى حازم ربيع

احنا يقول...

الى عاشقة الاحزان
-*-*-*-*-*-*-*-*-
جزاكى الله خيرا على هذا الدعاء الرقيق
بس عندنا نية اننا نخليكى عاشقة الافراح
فا يريت تطوعينا
---------------
مع تحياتنا / حازم وهانى

احنا يقول...

الى MANOOOSH
-*-*-*-*-*-*-
تلافزيون اية
دحنا افضائيات كلها
وانا الذى والذين
-----------------
اسعدنا مرورك
ونرجو دوام التواصل التدوينى
-------------------------
مع تحايتنا / حازم وهانى

احنا يقول...

الى ديالا
-*-*-*-*-
بصى ياقمرة
يامنورنا دايما
كلمة عانس
دى بتطلق على الراجل والست
دا اولا
وثانيا دا بوست فكاهى خفيف
وانا باحترم كل البنات جدا
ودا مش عيب دى ظروف مجتمع
------------------------
ومع ذلك انا اسفين يا كل بنات مصر عامة
والمجتمع التدوينى
خاصة
انتوا احلى حاجة فى الدنيا

وعلى فكرة هانى عمر شريكى
عانس بردوا

عنده 33 سنة وما اتجوزش
وانا عندى 27 ولسه ........
---------------------------
مع تحياتنا / حازم وهانى

احنا يقول...

الى عشق الصبار
*-*-*-*-*-*-*-
قراء وح الفدا على راسنا من فوق لانها
الاصل
والمنبع والباقى كله فروع ليها

-----------------------
ومضوع كلمة عانس
بنعتذر عنه احنا قصدنا نضحك بس
بجد اوعوا تزعلوا مننا
---------------------------
مع تحياتنا / حازم وهانى

احنا يقول...

الى وردة
-*-*-*-*-
الله عليكى يا اجمل وردة
ابعتى انتى الزباين
وها نعملهم احلى خصم
وليكى عمولة كمان
---------------------
مع تحياتنا / حازم وهانى

(Joudy) يقول...

فكرة حلوة ولذيذة ابدأوا وبالتوفيق ان شاء الله

تحياتى

دمتم بكل الخير

فراشة يقول...

تحياتى لك حازم وهانى

ولكن حذارى من كل قول وفعل يبتعد عن رضا الله
اتمنى لكم النجاح وانتشار مدونتكم اللذيذه
واتوصوا بالفقرات الاعلانية
تحياتى

zoma&hon يقول...

الى جودى
-*-*-*-*-
انتى نورتى المدونة
ومش عاوزين نكتفى بالتعليقات المشجعة
عاوزين تواصل تدوينى فعلى
--------------------
دمتى بود
------------------
مع تحياتنا / حازم وهانى

zoma&hon يقول...

الى فراشة
*-*-*-*-*
برافو عليكى
(ومن يتق الله يجعل له مخرجا)
----------------------------
وياريت تبادرى بالاعلان عندنا
الاعلان الشهرى
ب 20 جنيه
يا بلااااااااااااش
----------------------------
مع تحياتنا / حازم وهانى

وردة يقول...

كل سنة وانتم طيبين يا جماعة
بمناسبة الاسراء والمعراج
اتمنالكم كل الخير
سلام

فراشة يقول...

كل سنه وانت طيب يا حازم
كل سنه وانت طيب يا هانى
ويارب مدونتكم تكون للافضل

ومستنيه كل جديد عندكم

ممكن اقترح اقتراح صغنون عليكم
لو ممكن ان كل واحد فيكم يعمل مدونة يكتب فيها كل شىء بيحسه عشان نستمتع بكتاباتكم وقلمكم ده طبعا بجانب مدونة اصحاب وبزنس
عشان تتواجدوا معانا بصورة مستمرة

تحياتى لكم وبجد بكون سعيدة قوى بوجودكم فى مدونتى

رمضان كريم