الأربعاء، 29 يوليو 2009

ازاى تكسب من الهوا (4) بزنس لكل الناس

عشان تعمل بزنس وتكسب منه لازم تعرف السوق
المستهدفه كويس
لان معرفتك للسوق المستهدفة وعقلية العميل
بتساعدك كتير فى النجاح
وباختصار عقلية المواطن المصرى لها قالب ثابت
ومقدسات ثابتة لا تتغير
الاكل والشرب وتعليم العيال وتجهيز البنت للجواز
احنا النهاردة هنلعب على احتياج تجهيز البنات للجواز
-----------------------------------
بص ياسيدى ويا ستى وما سيدكم الا انا
انت وهى تروحوا على سوق عزة تبضعوا عبايات
على قمصان نوم
وبجامات عروسة وشباشب على شكل دباديب
بس لازم تكون بتفاصل كويس
علشان ماتدبسشى يعنى البياع يقولك 100 تقوله 20
واول ما تشترى الحاجة تروح تتفق مع الست الوالدة
انها توريهم للجيران
والاقارب وتقول محمد صاحب ابنى بيجيب حاجات بالتقسيط
تحفة
اوعى تقول ان انت اللى بتبيع فى الاول لان هايبقى فيه عشم
وانت عارف عم عشم مات
وها ينزلوا سعر الحاجة الارض وخليك بياع نقاوة ما بتفاصلش
ساعتها هتلاقى مليون طلب يا معلم
اللى هتقولك عنده روج تقول انت موجود
واللى تقولك عنده لانجرى بردوا موجود
بيع بالقسط وعلى السعر وكون رخم فى اخد فلوسك فى ميعادها
واستخدم الوسطاء اللى تجيبلك صاحبته
ا اعملها تخفيض او اديها حاجة زيادة
خلى لسانك حلو الستات بتشترى من ابو لسان حلو
حتى لو سعره غالى
وكون على استعداد للاستماع الى الرغى
وتفاصيل التفاصيل
الستات عندهم تردد دائم
وبيحبوا يتاكدوا انهم ما اضحكش عليهم
وبكده ها تبزنش وتعيش يا معلم
ويا معلمة كمان
---=---=---=---=----
مع تحيات صاحب افكار البزنس العالمى
حازم ربيع

هناك 30 تعليقًا:

آيوشة يقول...

ههههههه انا نفسى افهم بتجيبوا الافكار دى منين هو مش صعبة والله امال الشباب بيشتكى ليييييييييه :)

جارة القمر يقول...

خلى لسانك حلو الستات بتشترى من ابو لسان حلو
حتى لو سعره غالى
فعلا ليك حق


مممممممممممممم

كلام جميل جدا وسهل التنفيذ

تمنياتي بالتوفيق لكم دوما

احترامي

لاسع افندى يقول...

على فكره فيه موظفين كتير بيعملوا كده كل واحد يجيب شنطة هدوم يبيع لزمايله ويقولهم ان واحده جارته عندها ظروف ومحتاجه وبتجرى على كوم لحم هى صاحبة البضاعه وطبعا كلنا عارفين مين صاحب البضاعه.........
تحياتى

وردة يقول...

ههههههههههههههه
ايه الافكار ديه
الله الله
مكنش حد غلب والله
امال الناس عاوز ايه بس
علي فكرة اظاهر ان الناس بتشتكي مش من الفقر
لاء
خايفة من الحسد
ههههههههههه
سلام

اقدم عاصمه فى الحب يقول...

السلام عليكم

افكار سهله وفى منتهى الروعه
.
.
انا كنت بقول لصحابى لما يقولوا مافيش شغل كنت اقولهم ازاى يعنى انتوا عاوزيين تفهمونى ان جمهوريه مصر دى كلها مافيهاش شغلانه لكل واحد فيكم
.
.
.
يلا عاوزين افكار كمان
.
.
انا متابع :)

اقصوصه يقول...

افكار مفيده

تستحق التطبيق للمهتمين :)

الست فرويد يقول...

ههههه

لذيذة قوى فكرة مدونتكما

تحياتى

آه وكفى يقول...

في مشكلة فاتتك مفيش جواز اليومين دوول اصلا ,, ألعب غيرها D:

تحياتي

عاشقة الأحزان يقول...

السلام عليكم

يااااااااااااااااااااااه

انا متأخره ققوى عليكو ولا ايه
بجد مكسوفه قووووووووووووووووووووى قووووووووووووووووووووووى
عاااااااااااااااااااااااااااااا

عاشقة الأحزان يقول...

ههههههههههههههههههههه


الله على كلامكم بس الجواز بقا صعب اليومين دول
ههههههههههههههه


ربنا يوفقكم يارب احلى حاجه انكم بتدونا امل

ياريت تدعولى بجد محتاجه داعواتكم ليا

تحياتى

عاشقة الأحزان يقول...

لو موجود
دلوقتى ده ميلى كلمنى وانا اقولك بس امسحه على طووووووووووووووووووووول

اوك



bosy.cat38@yahoo.com

ضحكات الحياة يقول...

السلام عليكم

صدقت و الله

الستات فى الشرا حاجة صعبة

الراجل يحب يخلص ملوش فى الفصال كتير
أو معظمهم على الأقل

ضحكات الحياة يقول...

بس قشطة يا مان

هى دى الطرق اللى تخلينا ان شاء الله نبيع فى المستقبل

و كتر الف خيرك نورتنى بالمعلومات

علشان اعمل حسابى

ههههههههههههه

تحياتى لك

المعلم محمد صاحب المطعم - طعمية سخنة يقول...

ههههههههههههههههههههههه
اشطة يا رجالة
انا كنت بفكر اعمله ملايات و بطاطين بس

شكرا علي الافكار الجبارة دي

بس انتم مشيتم في الموضوع ده و نجح و جايين تفيدونا ههههههههههه؟

جارة القمر يقول...

جارة القمر كانت هنا

غير معرف يقول...

ارجوكم يا جماعة ان صعقت بمدونة الكترونية جديدة قبطية
بيسبوا و يشتمو فى الرسول ( صلى الله عليه و سلم ) و فى ربنا ( تعالى الله عما يقولون )
ارجوكم ممكن تدخلوا على المدونة دى و تعلموا المدونة و يا ريت لو قدرتم انكم تنشروا اللينك علشان كل اللى يدخل يعلمها و بكده تتأفل المدونة
و هو ده اللينك http://mem-kaf.blogspot.com/

غير معرف يقول...

واخيررا فضيت ودخلت عندكم :]

هلكااانة عالاخر وكنت مشغوولة الفترة الي فاتت

سوووري عالتاخير بس حاولت اضيف الايميل لكن منفعش كانه غلط او مش موجود اساسا

ياريت تتاكد من الايميل او ابعتلي ايميل تاني :)

بانتظارك

بالتوفيق يااارب

بزنس تعيش يقول...

الى ايوشة
-*-*-*-*-

بنجيب الافكار من واقع الحياة

ومن التركيز على احتياجات الناس

لان اصل البيزنس

والبيع والشراء

هو العرض والطلب

والطلب معناه احتياج

وطالما

عرفنا الاحتياج ها نعرف نعرض
-------------------------

الشباب بيشتكى

لسببين

فقدان روح المغامرة

وكمان نظرية القالب الثابت

هو خايف يخوض التجربة علشان كدة بيسخر منها

وعايش فى قالب الشغلانة المرموقة

لكن فى شباب كتير اتمرد على الثوابت

وبدء حياته صح

واحنا عاوزين نقدم لكم الافكار

وبايديكم القرار

--------------------------

مع تحياتى / حازم ربيع

بزنس تعيش يقول...

الى جارة القمر
-*-*-*-*-*-*-*-

شكرا لتقديرك لافكارنا


وبجد المعاملة مهمة اوى فى عملية البيع


والشراء والدليل على كدة


ان ممكن يكون جنبك سوبر ماركت


بس انت بتروح اخر الشارع تشترى


من واحد تانى رغم انه بعيد

ليه ؟؟؟؟؟؟؟؟؟؟؟؟

علشان فرق المعاملة

-------------------------------

مع تحياتى / حازم ربيع

بزنس تعيش يقول...

الى لاسع افندى
-*-*-*-*-*-*-


المهم انه نفذ فكرته وخد خطوته


وحقق نجاحه

اهم حاجة نتحرك

ونبطل نقعد نتفرج

-----------------------
مع تحياتى / حازم ربيع

بزنس تعيش يقول...

الى وردة
-*-*-*-


اعتدنا منك الاستهزاء بالافكار

والله اللى راضى بالشكوى يشتكى

بس ما يوجعلناش دماغنا

----------------------------
مع تحياتى / حازم ربيع

بزنس تعيش يقول...

الى اقدم عاصمة فى الحب
-*-*-*-*-*-*-*-*-*-*-

اهم من المتابعة يا صديقى ان تضع الافكار

موضع التطبيق

ونحن لك اصحاب

والبيزنس جاااااااااااااااااى

----------------------------------

مع تحياتى / حازم ربيع

بزنس تعيش يقول...

الى اقصوصة
-*-*-*-*-*-


مرورك اسعدنا

ونتمنى دوام التواصل


--------------------------
مع تحياتى / حازم ربيع

بزنس تعيش يقول...

الى الست فرويد
-*-*-*-*-*-*-*-

الحمد لله ان مدوناتنا اعجبتك


ويارب دايما نقدم ما يرضيكم

----------------------------

مع تحياتى / حازم ربيع

بزنس تعيش يقول...

الى اه وكفى
-*-*-*-*-*-

انا عارف ان ما فيش جواز

انا عينى مركزة على الواقع

جدا

بس يا عزيزى

الجهاز مالهوش دعوة بالجواز

افهمك ازاى

الاب والام بيحاولوا يجهزوا بنتهم

كويس

علشان يرضوا العرسان

يعنى الجهاز اصبح اوبشن

لازم يضاف للعروسة

لان العريس

مقشفر

-----------------------------

مع تحياتى / حازم ربيع

بزنس تعيش يقول...

الى عاشقة الاحزان
-*-*-*-*-*-*-*-*-

اهم حاجة يا ايناس انك نورتينا

وشكرا على جهدك معايا فى وضع الاغنية


على المدونة

انتى اصبحتى خبيرتنا الالكترونية

انتى الان صاحبة من اصحاب البيزنس

--------------------------------

مع تحياتى / حازم ربيع

بزنس تعيش يقول...

الى ضحكات الحياة
------------------


نورتينا

والافكار الجديدة ممكن تضحكنا فى الاول


لكن بعد ما بتنجح بنتمنى اننا

كنا عملناها

مين يصدق وقت ما جريدة الوسيط

طلعت


ان جورنال بيتوزع مجانا ها يكسب المكاسب دى

بس صاحب الفكرة اصر

وبيحقق ملايين من العدد الواحد
-------------------------------
مع تحياتى / حازم ربيع

بزنس تعيش يقول...

الى طعمية سخنة
-*-*-*-*-*-*-*-

كل افكارنا مجربة

اما احنا عملناها او اصحابنا


ثم ان المكسب من الانترنت اللى انت

بتروج له

يا محمد

كان فى الاول الناس بتسخر منه

وشوف دلوقتى التكالب عليه قد ايه

وانت نفسك اشتكيت ان الناس

ما اهتمتش لما عرضت الفكرة

--------------------------------
مع تحياتى / حازم ربيع

بزنس تعيش يقول...

غير معرف
------------


افضل طريقة مع هؤلاء

هى التغافل

لان الرد معناه الخوض

والرسول ص يقول : ( ان الله حرم عليكم القيل والقال وكثرة السؤال واضاعة المال)
---------------------------------
مع تحياتى / حازم ربيع

بزنس تعيش يقول...

الى نوارة
-*-*-*-*-

نورتينا وحمد الله على السلامة


الايميل هو

hohohazem@yahoo.com

-----------------------
مع تحياتى / حازم ربيع